كل واحد فينا عنده خرابة ...ايوه ... ما تعوجش بقك وتشمئز .... خرابة مرمي فيها افكار هالكة ... روبابيكية مشاعرك ... احلامك الفاشلة ... وتجاربك المنهكة .... الخرابة مش مقلب قمامة -هو ما يضرش ان فيها قمامة برضو- الخرابة شئ مختلف، وبما اننا شعب يموت في القديم و يشيل الكراتين ويخلي لزقة الموبايل واللابتوب عليهم لحد ما يببظوا اصلا .... وبما اننا بنعشق الكراكيب ... وبنتخلص منها في الخرابة ... وتبقي عينينا وروحنا فيها ... فانا قررت ... اعيد التنقيب عن كل ما اهلكته في حياتي ورميته في الخرابة ... وكل اللي هارميه فيها كنوع من التوثيق علشان مافيش حاجه هارميها بعد كده توحشني .... من الآخر ... مرحبا بكم في الخرااااااااابة .... تشربوا شاي ؟!
